林峯昨晚於紅館舉行尾場個唱，剛甩拖的何超雲性感谷胸捧場，心情靚爆的她大方承認與男友Andy降呢為朋友關係，否認爸爸賭王何鴻燊棒打鴛鴦。
林峯一連四場紅館演唱昨晚舉行尾場。其他捧場的嘉賓，包括無綫高層樂易玲、梁家樹、陳法拉及男友薛世恒、歐陽震華夫婦等。
林峯瞓身壓子珊
林峯請來樂壇天后容祖兒擔任嘉賓外，繼續於台上施展渾身解數，與徐子珊辣身舞部分更愈跳愈激，加插瞓身壓子珊及扮咀橋段，令人想入非非，他更冧歌迷說：「識我嘅人都知我冇信心，但見到你哋嘅支持，咩信心都返晒嚟！」期間林峯更被熱情歌迷扯爛衫，相當肉緊。
另外，英皇高層吳雨昨日接受查小欣訪問，回應有關力捧林峯惹古巨基不滿傳聞，他笑言：「我都不滿啦，咁樣傳！」他說兩人類型不同、各有各做，又透露將開戲給基仔演出
没有评论:
发表评论