黎耀祥去年憑《巾幗梟雄》榮膺視帝，昨日問祥仔可有信心「冧莊」，祥仔表示今年看好林峯，更直言「覺得佢係最大勁敵！」
無綫重頭劇《巾幗梟雄2之義海豪情》已經煞青，近10位主要演員黎耀祥、鄧萃雯、謝雪心、惠英紅和陳法拉等，昨晚夾錢宴請120位工作人員到尖沙咀一間酒店吃自助餐作慰勞宴。由於編審張華標離開無綫，令祥仔依依不捨。提到祥仔、林峯、馬浚偉及陳豪是今年視帝的熱門人選，競爭激烈，問到祥仔可有信心「冧莊」時，祥仔竟壯林峯士氣說：「我覺得佢係最大勁敵！(係咪因為佢後台夠勁，係無綫契仔？)唔關事，頒獎禮要睇形勢，林峯近年演技成熟不少，當然，自己都好想冧莊，但唔會強求，只希望拍好嘅戲已係最大收穫。」祥仔大讚今次劇本遠勝第一集，吸收過上集經驗，這次演出掌握得很好。
另一邊廂的雯女也不敢奢望蟬聯視后，只求完成工作便算，她讚該劇是優秀作品，尤以和祥仔的感情戲，笑言當大家收工時，兩人仍在談情，記者笑問她談完情未，雯女說：「或有第三集呢！」劇中雯女要演食鴉片、化老妝，當中又有幾集是少女戲，要好卜卜脆，幸而還算保養得宜，不擔心被高清畫面出賣真實年齡。
没有评论:
发表评论