【成報】2010/03/23《林峯無協助ICAC調查》

林峯和劉松仁昨日在會展出席香港國際影視展，為劇集《摘星之旅》宣傳，由於該劇是無綫及內地聯合攝製，所以林峯的女對手是內地女演員趙子琪和宋汶霏，林峯坦言，這個組合頗有新鮮感。問到香港女演員與內地女演員有何分別？他幽了一默說：「佢哋講普通話，哈哈，其實對我嚟講，無言語障礙。（會唔會搵個內地女友？）無所謂。（有無女仔向你投懷送抱？）點為之投懷送抱？好Nice對我都好正常啫！唔Nice即係我有問題。（有時女助手變咗女朋友？）唔會，我分得好清楚。」


　　對於ICAC就無綫高層涉嫌貪污，有藝人及職員都要接受協助調查，林峯透露，ICAC沒有聯絡他，並說：「之前返公司拍《不速之約》，我先見到門外有咁多記者。（無綫依家嘅氣氛點？）我又無乜留意到喎！（有無睇陳志雲嘅記者會？）無睇呀！我連劇本都無時間睇，有時間都瞓。」提到有人送名貴禮物給高層，林峯直言沒有送過，就算送禮物給朋友都是視乎心意。有傳有份禮物清單，林峯說：「點會呀！我覺得唔會咁。」他謂，這是傳媒的創作出來，所以不希望有這樣的無謂揣測。