林峯成为出炉亚太区最受欢迎香港男歌星，牌面上升级，但能否服众就要拭目以待。
无线和四大唱片公司擘面，加入乐坛才三年的林峯渔人得利，忽然捧走《劲歌》亚太区最受欢迎香港男歌星奖，一夜间跟刘德华陈奕迅睇齐。神奇升呢的林峯自知得奖太快奖又太大，但一句“我信 TVB”，公司畀乜就要乜，总之有奖就接受，就算网民狂轰名不副实未够班、得奖区域介乎亚皆老街至太子道西，林峯听唔到睇唔到，并声言要搏老命平争议。撰文：朱倬谊
林峯成为出炉《劲歌》亚太区最受欢迎香港男歌星，惹来争议连篇，虽然四大唱片公司因与无线扎马，旗下歌手陈奕迅、李克勤及方大同等唔到冇奖；又虽然林峯拍剧多年在东南亚有知名度，三年前加入乐坛后，论 fans数量及声势俱胜同期歌手，但总括以其唱歌资龄及歌量而言，攞一线歌手才有资格捧走的亚太区大奖委实诡异，招话柄难免。
林峯是今场鹬蚌相争的渔人得利者，网民质疑他攞奖太快，林峯日前接受本报记者专访时也认同说：“我都觉得太快，但网民系针对件事，矛头唔系指向我，我唯一就系跟住嚟点做好音乐上嘅嘢。”被批评未够班名不副实赢亚太大奖，林峯则说：“我所有嘢都相信公司，当日我喺台上都讲咗，多谢 TVB咁多年嘅培养，我所有嘢都系 TVB畀我。 TVB系我第一份工，公司畀我嘅所有嘢，我都会接受。”
“发梦都冇谂过”
《劲歌》总选当晚四大唱片公司歌手唔到，但在场有个古巨基够份量拎亚太奖，网友认为轮到基仔都未到林峯，他认同说：“我都估系咁，但已经唔到我去谂。”有指无线对林峯爱你变成害你，他则说：“我从来唔谂呢样嘢，公司不嬲都好锡我嘅。”不过他承认奖太大且拎得太快，他说：“系发梦都冇谂过。”网民取笑他是“亚皆老街至太子道西”的亚太区最受欢迎男歌星，林峯不怒反笑说：“实有人讲 o架，呢啲事情都唔系第一次，不过今次多人讲。我有上网，睇到好多讨论嘅声音，大家讨论件事啫。”会否带来压力？他谓：“我三年前攞新人奖金奖嘅时候，外面都有声音。压力我不嬲都有，我一入行就逼自己行一啲可以磨炼自己嘅路，因为我好清楚，就算做到 200分都会俾人讲，所以我每一步路都要做到比人多。跟住落嚟我要更加努力、更加搏命、摆更多精力做，唱好啲歌，做好啲戏，命嚟 o架！”
林峯最想说的是，他对工作有付出有热诚，但没有去争或者走捷径，这点是性格使然，所以亚太奖不是他争回来。公司赋予他的，他会接受，他说：“我系屋企长子嫡孙，我由细到大都唔钟意同人争嘢，呢个系屋企教育我嘅性格，我有细佬妹，我永远都系让。”
林峯（右一）在乐坛上的地位竟与古巨基、容祖儿（左二）及杨千嬅神奇看齐，叫人惊讶。
虽然攞大奖引爆是非，但林峯仍获大批 fans赞实至名归。
林峯续说：“不过我入行后赚咗一样嘢：台前幕后有好多好朋友。如果要奖品或者要朋友，唔使谂一定系朋友先，奖品奖项我唔系睇得好重。我唱歌三年，第一年唱歌嘅时候，第一首歌《爱在记忆中找你》比较 hit，因为有剧集帮助，但喺公司音乐节目冇出现过。我有问过公司，外面都有播呢首歌，点解公司冇乜宣传？乐小姐（无线高层乐易玲）同我讲唔想太快，慢慢嚟，一步一步。所以由𠮶日开始，我所有嘢都相信公司，公司话我乜嘢时候做乜嘢
我唔会怀疑。公司瞻前顾后嘅绝对比我多，所以公司无论畀机会、奖励抑或磨炼我，我都会接受。”
太子爷攞苦嚟辛
父亲林华国在内地从事房地产生意，有夏门李嘉诚之称，人脉广身家丰，林峯一出世已经唔忧做，大可印印脚做少爷仔等继承父业，谁叫他爱唱歌做戏攞苦嚟辛？林峯苦笑说：“我以前拍剧开古装多，搞到有皮肤病，又敏感又生癣，成日黐头套头发又甩，所有挨嘅都唔敢话畀屋企人知，我唔系惊辛苦，系惊屋企人叫我唔好做，我想用时间证明我系做到，包括我做歌手。等咗咁多年，我终于可以出到唱片，希望对得住自己对得住听我歌嘅人，虽然老套，但我真系好钟意唱歌。”
林峯获无线及英皇力捧，去年已为他举行红馆演唱会造势。
对于被网民揶揄是“亚皆老街至太子道西”的亚太区歌星，林峯扬言不多想。
林峯自知攞奖太快招非议，誓言今年瞓身拼搏息风波。
曾几何时，林峯的绯闻排山倒海，但过去一年大幅下滑，来来去去都得一个貌似吴尊的老拍档钟嘉欣，林峯说钟嘉欣见得多：“吴尊未见过，差唔多样啦。”人到 30岁进入媾女黄金期，入行 12年的林峯居然唔眨眼说：“我入行以后冇拍过拖，散拖都冇。”冇人信 o架，但他坚持：“冇呀，但我唔系基，我系冇间断做嘢，工作时间比平辈长好多。同埋惊青 o架，我唔敢乱咁识人。”
“当钟嘉欣系仔”
前年钟嘉欣生日，林峯献吻，两人绯闻至今纠缠不清。
12年来遇过无数异性，轻微火花都应挞过吓啩？林峯坦言：“火花一定有，一下囉，都冇机会见到，叫人就你呀？三更半夜不如出嚟饮杯嘢咁呀？”他强调这位火花女不在同一圈子，他说：“同一圈子好少有火花，我分得比较清，我算系理智，我所有嘢都围绕工作，唔想影响做嘢。我都想拍拖，但??家越嚟越难揾到，如果认真识一个，要几多时间先可以真正了解我？但我最冇就系时间，咁我点敢求其？惊濑嘢，唔知头唔知路，你点知人哋谂乜呀，但现阶段有好多嘢可以分散我嘅注意力。”
话说回来，近水楼台有钟嘉欣，识唱歌又识做戏，跟林峯同声同气很匹配，但他说：“性格唔啱，我当佢仔。不过我冇完全否定，将来嘅嘢唔知嘅。”
如林峯所言做了 12年寡仔， 5年冇拖拍的郑秀文是沙漠女，那更 dry的林峯一定是龟裂男，他笑说：“寂寞嘅时候咪打机，睇卡通片，买玩具囉。我入行几年后发觉要有啲细艺，要有精神寄托，朋友话我工作以外成个细路咁，可能以前成个环境 keep住要我成熟，成日都谂好多嘢，啲前辈都话再咁落去唔得，于是我开始揾番啲后生仔嗜好，打机睇卡通片《海贼王》、《钢之炼金术师》，得闲又执一执屋企嘅玩具 display，搞半日，好忙 o架啦，所以唔会闷嘅。”
没有评论:
发表评论