林峯、王祖藍昨日出席渣打銀行樓按計劃活動，外傳林峯購下千萬豪宅，林峯承認最近在西半山置業，現正辦理按揭，笑言打算問銀行攞折扣。在旁的王祖藍表示很妒忌林峯做業主，更說好想擁有林峯有的東西，包括女友、紅館show、豪宅及片約。
向林峯求證是否購千萬豪宅，他則否認說：「唔係，我入行十幾年，依家先有機會置業未算遲，我見層樓位置好，又有保值能力，覺得機不可失！(點解要做樓按，冇現錢呀？)近年先搵到啲錢，所以要搵銀行做按揭。我十年冇換車，淨係諗住一換就換好一啲啫！」
伊館開show追擊林峯
在旁的王祖藍表示，很羨慕林峯做業主，而且還有車有樓，並說：「我真係恨到爆，所有林峯有嘅嘢，包括電影、紅館show、豪宅，同埋啲女，我都好恨有！最慘我喺伊館開show追擊佢，啲親戚追我，追買林峯飛！」王祖藍指，目前也想置業，但只有能力買居屋，好想像林峯一樣買半山樓，但只有能力揀選偏遠的流浮山。問王祖藍買樓是否打算結婚，又會否在屋契寫上女友名字時，王祖藍即說：「咁做點對得住阿媽，未到最後一刻，都要保險一啲，唔會咁早一炮過將啲嘢俾晒女朋友。」
置業不會寫女友名
王祖藍指買樓首要找到入場券，現在只能夠去流浮山，不似林峯可以去半山。祖藍續道﹕「曾與阮兆祥 、李思捷提過，不如夾錢買地，起個『福祿壽花園』。（似墓園？）那麼叫『林峯』吧，現在也有很多叫『峯』的豪宅。」是否置業為結婚？「未到時候結婚，目標只是置業，女朋友也有畀意見。」物業會否寫上女友名字？「咁做點對得住阿媽，咁快被佢管，現在大家財政獨立。」
没有评论:
发表评论