2010/02/25 《林峯雙眼通紅做魔鬼》

林峯、歐陽震華 (Bobby)、楊怡 及李亞男等昨日為無線新劇《不速之約》試造型，離遠望林峯雙眼通紅，原以為疊住開拍兩齣電影捱眼瞓所致，但近看才發現原來他因為角色扮演「魔鬼」戴了紅色隱形眼鏡。不過林峯笑指劇集3月開拍，屆時會疊住兩齣電影同時進行拍攝，所以有機會到時不用戴隱形眼鏡都做到紅眼效果！而提到魔鬼角色，他說︰「呢套劇好另類，會好似《飛越十八層》咁，我會拎Bobby命，自己睇到劇本都有好驚喜！」


　　Bobby與楊怡戲中飾演夫妻，女方笑說︰「執到啦，老夫少妻！」但Bobby亦不輸蝕反窒︰「同我合作開都好後生，Toby(梁靖琪 )都係做我女友咋，你呢口的70後都30到尾啦！」此外，Bobby透露拍劇可以學常識，戲中扮演醫生的Bobby愛上扮演病人的楊怡，要等足3年才可以追求女方，原來醫生有法則規定要等3年才可以追求病人。
 
林峰影視兩邊忙
楊怡與Bobby皆大讚新劇似足西片，不過演員卻全都是華人。她又笑說好友林峰戴上紅色隱形眼鏡十足一個外籍人士。林峰表示，新劇到3月才正式開工，不過自己現時仍有兩部電影在身，因此到時會忙得不可開交。阿峰笑言：「我不用戴眼鏡亦會滿眼通紅！」此外，監製潘嘉德下令林峰不准向外泄露劇情，因此他解釋自己只是一隻非一般的魔鬼。