<东方日报>林峯睇名表眼都唔眨

林峯（箭嘴示）非常专注企喺橱窗前睇名表。

林峯发现记者，大方企定定任影唔嬲


林峯睇名表眼都唔眨

咬住金锁匙出世嘅林峯，生得高大靓仔，真系超笋盘。入行咁耐绯闻又唔多，近年传来传去都系只得钟嘉欣。但近期突然爆出嘉欣情投武打奀星伍允龙，而蒙在鼓裏嘅林峯事后亦表现酸溜溜。

爱情失意，惟有寄情工作！林峯自从签约英皇做歌手后，人气可谓有增无减，迟啲仲会喺马来西亚举行音乐会添！日前晚上八点几，八太喺中环ifc见到啱啱做完嘢嘅林峯，同经理人及化妆师准备离开商场，但当行经附近劳力士专门店时，林峯即停低在橱窗前研究名表，仲睇得相当入神，眼都唔眨，同经理人商量咗一阵就转身走人。沿途经过珠宝店BVLGARI，林峯继续目及橱窗内的钻石首饰，唔知系咪想买畀意中人呢？不过佢家住半山，出入名车代步湿湿碎啦！